Кипар ги укина ограничувањата врз паричните трансфери на уште осум странски банки, што работат во земјата, пренесоа американските медиуми.
Министерството за финансии денеска соопшти дека мерката се однесува на либанските Банк Бемо (Banque Bemo), Бе-Бе-А-Це (BBAC), Креди Либанес (Credit Libanais), Банк оф Бејрут (Bank od Beirut), француската Банка Ес-Бе-А (Banque SBA), британската Барклис (Barclaus), јорданската Али Банк (Ahli Bank) и украинската Приватбанк.
На овој начин веќе 12 странски банки во Кипар се без ограничувања за паричните трансфери, но за локалните клиенти продолжува да важи лимитот од 300 евра за повлекување на суми во еден ден.
Кипар во март ја затегна контролата врз банките за да не дозволи нивно истекување од финансикиот сектор, откако се договори планот вреден 30 милијарди евра со партнерите од еврозоната и Меѓународниот монетарен фонд, што, пак, предизвика големите вложувачи во двете водечки банки на островот да имаат масовни загуби на своите сметки.