Меѓународната вселенска станица доби нов тоалет. Тој чини 23 милиони долари и е дел од новата опрема на НАСА, која ќе се тестира три години и можеби ќе се користи за мисиите на Месечината и на Марс во иднина.
Универзалниот систем за управување со отпад зафаќа за две третини помалку простор и е за 40 отсто полесен од тоалетот што сега се користи на вселенската станица.
Покрај тоа, новиот ќе може да им служи на многу поголеми екипи.
– Екипажот на Станицата ќе ја провери работата на УВМС во услови на бестежинска состојба. Системот ќе биде инсталиран веднаш до сегашниот тоалет, изјави Мелиса Меккинли, дел од проектот на НАСА.
Тоалетот беше доставен до МВС со товарниот брод „Нортроп Груман Сајнус“ на 29 септември, како дел од планираното лансирање за испорака на товар до сателитот.