По Пескара и Сиена, екипата на Палермо е третата која од следната сезона нема да игра во Серија А. Ова е епилогот по денешните дуели од 37.коло во Италијанското фудбалско првенство.
Палермо изгуби на гостувањето во Фиренца, додека Џенова која им беше директен конкурент за опстанок, освои бод на свој терен против Интер.
Постигнати резултати на денешните досега завршени средби: Киево – Торино 1:1, Фиорентина – Палермо 1:0, Џенова – Интер 0:0, Лацио – Сампдорија 2:0, Удинезе – Аталанта 2:1 и Наполи – Сиена 2:1.
Вечерва играат Парма – Болоња и Милан – Рома.
На вчерашните дуели: Јувентус – Каљари 1:1 и Катанија – Пескара 1:0.
Табела: Јувентус 87 бодови (шампион), Наполи 78, Милан 68, Фиорентина 67, Удинезе 63, Лацио 61, Рома 58,…, Џенова 37, Палермо 32, Сиена 30 и Пескара 22.