Редици од стотици граѓани, почитувачи на некогашниот претседател на СФРЈ, Јосип Броз Тито од вчера пристигнуваат во Куќата на цвеќето, за да ја одбележат 33-годишнината од неговата смрт.
На гробот прва пристигна сопругата на Тито, Јованка Броз, а со неа и останатите граѓани од сите краеви на поранешната република, најмногу Словенци и Македоници, а најавена е и голема група од БиХ, пишува српскиот „Блиц“.
Тие пристигнаа со беџови со ликот на Тито, знамиња од СФРЈ и некогашниот Сојуз на комунисти, како и капи со петокраки.
Претседателот на СФР Југославија, Јосип Броз Тито почина на 4-ти мај 1980 година во болница, во Љубљана, а на неговиот погреб во Белград присуствуваа повеќе од 200 високи личности од дури 127 држави.
Тито на чело на Југославија се наоѓаше полни 35 години.
Елена Георгиевска