Српската Влада на денешната седница донесе одлука да ги утврди сите лаборатории кои се квалификувани за спроведување на тестови за коронавирус, односно вклучување на ветеринарните институти во лабораториско тестирање, соопшти од Владата.
Во владиното соопштение се наведува дека, „заради потребата да се обезбеди здравствениот систем пред претсојниот есенски период, со цел дополнителна заштита на населението од заразната болест ковид-19, Владата одлучи да го зголеми бројот на лаборатории во кои ќе биде овозможено тестирање.“
Се работи за лаборатории на здравствените установи и сите микробиолошки лаборатории во јавна сопственост, кои вршат активности од областа на здравјето на животните, безбедност на храната, контрола на квалитетот и безбедноста на млекото и тестирањето на забранети, недозволени, штетни и непожелни материи во храната и во добиточната храна, здравјето на растенијата, семето и садниот материјал и банките за растителни гени, се вели во владиното соопштение за медиумите.