Најголемиот туристички центар во Македонија, Охрид, викендов преплавен од сметот кој зад себе го оставаат туристите.
Поради пандемијата со Ковид-19, домашните туристи ова лето се одлучија да патуваат во Охрид, па градот е преплавен од гости кои не ги почитуваат мерките за спречување на ширењето на коронавирусот.
На социјалните мрежи се појавија фотографии од центарот на Охрид препополн со смет. Туристите своите пластични кеси, шишиња и кутии од цигари ги расфрлиле низ охрискиот кеј и улиците.
Охриѓани коментираат дека странските туристи никогаш не оставиле ваква слика зад себе во Охрид.
