Под влијание на многу топла воздушна маса од утре до петок времето ќе биде сончево и многу топло.
Од Управата за хидрометеоролошки работи соопштуваат дека максималните температури ќе достигнат над 30 степени, а во југоисточните делови од земјава ќе достигнат и до 40 степени. В петок во попладневните часови ќе има услови за локална нестабилност. УВ зрачењето ќе достигне 9.
Сончево и топло време со мала до умерена локална облачност ќе преовладува денеска до крајот на денот. Ќе дува умерен, а вдолж Повардарието засилен ветер од северен правец. Максималната температура ќе биде во интервал од 27 до 36 степени, а вредноста на УВ индексот ќе изнесува 8.
Во Скопје ќе преовладува сончево време со мала до умерена облачност и умерен до засилен северен ветер, со максимална температура до 35 степени.