Возило од марката Опел Зафира се запали во центарот на Скопје. Според очевидците, човекот кој го управувал возилото, се паркирал на тротоарот спроти Македонски пошти и влегол во некој од околните дуќани. Од автомобилот брзо потоа избил пожар.
Skopje at the moment! pic.twitter.com/wtoumMOLuT
— Блефер (@el_padrino____) July 22, 2020
Соседите од околните дуќани виделе дека колата почнала да гори и викнале противпожарна екипа.
Пожарот сега е изгаснат и според првичните информации нема повредени, но оштетени се и други три возила кои биле паркирани во негова близина.
Сопствениците на оштетените возила кога дознале за настанот повикале полиција која е моментално на терен и прави записник.
Се уште е непознат идентитетот на човекот кој го управувал автомобилот. Според сопствениците на оштетените возила кои во моментот се на местото на настанот, тој избегал.
Полицијата во моментов е на терен и прави записник.