Владо Мисајловски, носител на пратеничката листа од ВМРО-ДПМНЕ не го прифаќа изборниот резултат и обвинува за фалсификување на изборите. Тој тврди дека имало изборен поткуп и заплашување на гласачите од страна на СДСМ. Истовремено, Мисајловски е задоволен со победата на ВМРО-ДПМНЕ во втората изборна единица.
„Со целиот изборен фалсификат, енормниот поткуп од владејачката партија, незаконските асфалтирања во тек на кампања во сите населени места, градење на диво канализации и огромни заплашувања од целата листа на СДСМ на чело со премиерот на државата и сите репресивни органи и институции на власта, сепак успеавме да ги победиме. Јас никогаш нема да го прифатам овој резултат затоа што не ја одликува реалноста и сме сведоци на најголемиот фалсификат во историјата“, пишува Мисјаловски.