Дополнителната заменик министерка за информатичко општество и администрација, Невенка Стаменковска Стојкоски преку објава на својот профил на Фејсбук упати обвинувања дека вработените во Општина Лозово се изложени на притисоци, мобинг и деградација и упати повик тоа да го пријават во надлежните институции.
– За време на пандемија градоначалникот на Општина Лозово склучува договори за привремени вработувања кои што се 1.200 повеќе во споредба со сумата на договорите што се склучени во 2016 година, вели Стаменковска Стојкоски во изјава објавена на нејзиниот профил на Фејсбук.
Таа му порача на градоначалникот, „да престанат злоупотребата и партизацијата бидејќи она што се случува во Општина Лозово е да се водат селективни дисциплински постапки за вработени без никакви серизони оправдани причини“.
„Градоначалникот, не одговара за недоставување на извештаи со ранг листи за годишни оцени за сите административни службеници во институциите во предвидениот рок за што Законот за административни службеници предвидува глоба од 3.500 до 7.000 евра, посочи Стаменковска.
Градоначалниот на општина Лозово се крие и бега затоа што знае дека одговорноста пристига на 15 јули и правда ќе има! Општина Лозово е заробена институција од фунционер на СДСМ а вработените се под највисок степен на притисоци, мобинг и деградација. Правда ќе има! Ги охрабрувам и повикувам вработените да ги пријават притисоците и сите деградирања во институциите. Да го исправиме јавниот сектор, гордо и достоинствено.Заробените институции ќе ги ослободиме!
Posted by Невенка Стаменковска Стојковски on Петок, 26 јуни 2020
-Во исто време, додека тој се повикува на член 8 од Изборниот законик како што вели дека не може да ми дозволи да влезам во службените простории на Општина Лозво тој во основното училиште во општината спроведува анкета за СДСМ и колку пратеници ќе добијат. Би сакала да му порачам дека секој ќе понесе одговорност за своите постапки и за ноторната злоупотереба на институциите за партиски цели. Нема да направиме компримис со основните принципи на демократијата и слободата на избирачкото право на вработените во јавниот сектор, додаде таа.