Генералниот секретар на Обединетите нации апелираше за укинување на смртната казна во светот.
Тој наведе дека смртната казна е апсурден чин, кој никој не смее да го направи.
– Одземањето на животот е толку апсолутен, така неповратен чин што едно човечко суштество не смее да го направи над друго, дури и кога има поддршка од законот, посочи Бан.
Тој изрази загриженост што во некои земји смртната казна се извршува дури и над малолетни лица.
Неколку држави, меѓу кои Аргентина, Бурунди, Габон, Литванија, Того и Узбекистан ја укинаа смртната казна на барање на Генералното собрание на ОН во 2007 година.
Според податоци на ОН, 15 држави ја укинаа смртната казна или не ја применуваат во пракса.