Градоначалникот на општина Чаир, Висар Ганиу, апелира до граѓаните да ги почитуваат мерките бидејќи ризикот е сè уште голем.
По информациите дека голем дел од новозаразените се граѓани на Чаир, градоначалникот оцени дека состојбата со коронавирусот продолжува да биде проблематична.
„Свесен сум за потрошеното трпение и желбата за враќање во нормала, но сепак ризикот сè уште постои и можноста за заразување е сè уште доста голема. Затоа, да бидеме добар пример на оваа состојба, а не спротивното. И понатаму да се придржиме кон неопходните мерки до целосно елиминирање на вирусот и завршување на оваа состојба“, рече Ганиу.
Тој порача да се држи социјално растојание, да се употребуваат заштитни средства, да се врши дезинфекција на рацете.
Ганиу оцени дека локалната власт и институциите досега постигнале менаџирање на ситуацијата, а тука ги наведе повиците за седење дома и дезинфекцијата на улиците.