Новинарот и обучувач за истражувачко новинарство, од Центарот за независно новинарство од Романија, Пол Раду на конференцијата за соработка помеѓу граѓанските организации и медиумите за промоција на човековите права, истакна дека кај медиуми постои дупка во пронаоѓање на вистината, која може да ја пополнат граѓанските организации преку свои истражувања.
Тој зборуваше за активизмот кој што е базиран на докази, но и за создавањето релации и да се разменувањето на вештините помеѓу граѓанското општество и новинарите истражувачи.
-Новинарите треба да се поврзат со хакерите и информаитичките експерти за побргу да стигнат до информациите. Исто така кога ќе креираме веб страна многу е важно како ги презентираме тие информацијата. Кога ќе напишеме одредена приказна, потробно е да ги ставиме сите документи кои што ќе послужат како доказ за нашата сторија – нагласи Раду.
Според него невладините организации работат подобро во истражувањата, отколку новинарите.
Конференцијата е во организација на Македонскиот институт за медиуми.
Елена Георгиевска – Јасна Атанасова