На конференцијата за соработка меѓу граѓанските организации и медиумите за промоција на човековите права директорка на Хелсиншкиот Комитет за човекови права, Уранија Пировска зборуваше за важноста на ефективната соработка од аспект на слободата на изразување и говорот на омраза.
-Ниту една борба за човековите права не може да успее, доколку не се соберат новинарите и граѓанските организации, бидејќи тие се нужни соработници. НВО секторот не ги презентира информациите на начин кој што е привлечен за медиумите. Но, клучно за креирање на општствената свест е и истражувачкото новинарство-истакна таа.
Пировска истакна дека додека работела во кабинетот на Народниот правобранител новинарите и се јавувале и за совет. Со тоа, таа посочи дека постои причинско-последична врска меѓу медиумите и организациите, со цел да им се осветли патот на граѓаните.
Елена Георгиевска – Јасна Атанасова