Изминатите 24 часа на ниво на целата држава 52 лица не ја почитувале забраната за движење, извести Министерството за внатрешни работи.
„Приведени се 28 лица, а за останатите се земени податоци и ќе следуваат соодветни мерки“, соопшти МВР.
По однос на мерката за не носење лична заштита на лице регистрирани биле 205 прекршоци.
Во текот на изминатото деноноќие на 48 лица им се издадени решенија за изолација, а 17 лица потпишале изјави за самоизолација. Полицијата извршила контроли кај лица во изолација и самоизолација, при што не се евидентирани лица кои не ја почитувале мерката за изолација и самоизолација.