Од Анима Мунди реагираат на денешното апсење на момче кое шетало со својот миленик во време на полициски час.
„Во време кога луѓе по улици протестираат или ора играат а поминуваат неказнето, вака ли изгледа професионалноста на нашата полиција и сразмерна примена на мерки согласно полициските ингеренции во време на вонредна состојба? Цела полициска станица без никакви мерки на заштита во време на пандемија (со што директно го загрозуваат) приведува момче кое излегло да го прошета кучето – ние во ова гледаме демонстрирање на сила и изживување врз тинејџер и неговиот миленик за што бараме итно, итно идентификување на службените лица и нивно казнување“, пишува во соопштението на Анима Мунди.