Негативен е и вториот тест за коронавирус на лидерот на СДСМ Зоран Заеб, објави тој на неговиот профил на „Фејсбук“.
„Им благодарам на сите за поддршката и во исто време упатувам поддршка со желба за брзо оздравување на градоначалникот на Куманово Димитриевски и на сите граѓани кои се справуваат со вирусот.Се надевам дека премиерот и министрите ќе имаат негативни тестови.Овој вирус покажа дека е непредвидлив и дека е сериозна закана по здравјето на секој од нас.Затоа делуваме брзо, но многу е важно сите до еден целосно да ги почитуваме мерките и препораките. Да останеме дома, да внимаваме многу повеќе на нашата хигиена, да држиме дистанца од 2 метри, да се заштитиме а со тоа да ги заштитиме и другите.
Секој што ги почитува мерките спасува здравје и живот. Само со заеднички придонес, полесно и побрзо ќе ја добиеме оваа битка против невидливиот непријател“, напиша тој.
Заев беше во самоизолација последнава недела, исто како и лидерот на ВМРО-ДПМНЕ Христијан Мицкоски, откако двајцата, еден по друг ден, беа на интервју во „Канал 5“ телевизија со уредникот Гоце Михајлоски, за кој подоцна се испостави дека е позитивен на Ковид-19.