Министерот за транспорт и врски, Миле Јанакиевски, градоначалникот на Илинден, Жика Стојановски и музичарот Елвир Мекиќ да се појават во судница и да го потврдат алибито на обвинетите во случајот „Монструм“- ова го побараа адвокатите на обвинетите за ликвидацијата на петтемина кај Смилковско езеро.
Јанакиевски и Стојановски, според адвокатите, можат да потврдат дека критичниот ден биле во друштво на некои од обвинетите, а еден од нив дури им ветил јагне од неговата фарма. Мекиќ пак критичниот ден снимал спот за една песна токму кај езерото. Неизвесно е дали предложените свдоци ќе се појават за да го потврдат алибито.
Денеска процесот во судница продолжи со испрашување на сведоци предложени од одбраната. Роднини на обвинетите тврдат дека судот ги нема вистинските убијци.