Пожарот кој изби ноќеска по 2 часот во поранешната касарна во Струмица, ја зафати и ТВ Вис. Уништен е поголем дел од опремата на телевизијата, а зафатено е и телевизиското студио, информираат од Вис. Интервенирале противпожарните служби за да го изгаснат пожарот, а од водата, опремата на телевизијата дополнително била уништена, додаваат тие.
Од телевизијата велат дека во идниот период граѓаните ќе ги информираат преку нивните официјални профили на социјалните мрежи.
Полиција направила увид, а истрагата ќе треба да покаже кои се причините за пожарот, како и да процени за колкава материјална штета станува збор.
Фото: ТВ Вис