Десет пратеници на Државната дума во карантин заради коронавирусот

Од:

Неколку пратеници на Долниот дом на рускиот Парламент се наоѓаат во карантин заради сомненија за коронавирус, изјави денеска претседателот на Државната дума Вјачеслав Володин.

Претседателот на одборот на Државната дума за контрола и прописи Олга Савастјанова изјави дека во карантин се десет пратеници.

Пратениците, од кои неколку се од владеачката партија Единствена Русија, биле во контакт со пратеникот на Либерално-демократската партија на Русија, Сергеј Катасонов, кој претходно, по враќањето од Франција, не го почитувал правилото за престој во карантин, за потоа да изјави дека бил негативен на тестот за коронавирус.

– Некои наши пратеници се сместени во карантин по грешката на нашиот колега (Сергеј Катасонов) кој ги игнорирал правилата, изјави Володин на пленарната седница на Думата, пренесува Тасс.

Според податоците на работната група за борба против коронавирусот во Русија досега се заразени 93 лица.

Би можело да ве интересира

Од Русија стигна соопштение: Наскоро ќе се потпише голем договор со Иран

(ВИДЕО) Напад на синагога и црква во Русија: Има мртви

Предраг Петровиќ

(ВИДЕО) Москва ја опустоши невреме, се формираше торнадо: Најмалку две лица загинаа

Предраг Петровиќ

Ким Џонг-Ун: Ова е историски момент

Небензја: Русија ќе бара меѓународно признавање на нацистичките злосторства во СССР

Ликвидирани се киднаперите од истражниот затвор во Ростов на Дон