Пациентката на инфективната клиника заразена од коронавирус се чувствува добро и нема критични знаци, но е во изолација, информираше на прес-конференција министерот за здравство Венко Филипче.
Сепак тој нагласи дека во моментов се очекуваат резултатите за уште еден сомнителен случај, на лице кое допатувало од Рим. Резултатите од тестот министерот најави дека ќе бидат објавени за околу час и половина.
Двајца пациенти, еден возач на товорно возило и една жена која допатувала од Рим се негативини на коронавирус, додаде Филипче.
ВО ЖИВО: Филипче за состојбата со коронавирусот во земјава
ВО ЖИВО: Филипче за состојбата со коронавирусот во земјава
Posted by A1on.mk on Четврток, 27 февруари 2020
Тој посочи дека одлучено е состојбата на сопатниците на заразената да се следи во наредните 14 дена. Тие се вкупно 12, а меѓу нив има и две деца. Се наоѓаат во своите домови во Скопје и во Струмица. Станува збор за здрави луѓе, но сепак се изолирани од контакти со други лица.
Утре ќе се направи проверка на здравствените капацитетите во случај ако е потребно да се направи преместување од домашно сместување во карантин. Во комбето биле вкупно 9 лица, заразената и уште 8 други. Во карантин се 12 бидејќи останатите 8 патници имале контакт со уште четворица други.
Филипче кажа дека во моментов нема други кои евентуеално би биле подложени на тестирања за коронавирус.