Експремиерот Зоран Заев очекува премиерот во техничката Влада, Оливер Спасовски да преземе мерки за непочитувањето на уставните промени по менувањето на официјалната табла во Министерството за труд и социјална политика на која го нема уставното име на државата.
„Знаете сите таму видовме дека има нова табла. Сите знаеме дека старите табли се отстранети со уставните промени. Поранешната министерка за труд и социјална политика има држано прес конференции со нова табла. Се работи за Устав и за закон. Владата предводена од СДСМ очекувам да преземе конкретни чекори за почитување на Уставот и законите“, рече Заев.
За деталите околу тоа што ќе биде преземено Заев упати на премиерот Оливер Спасовски.