Снегот што утрово заврна во Кичево и Кичевско формира незначителна покривка, но доволно за радост на децата кои имаат можност да го видат. Сообраќајот се одвива без поголеми проблеми.
На коловозите првично се формира снежна покривка, но по интервенција на комуналната служба и ангажираните фирми што излегоа на терен и расфрлија сол и песок, главните сообраќајници во градот се исчистија и сообраќајот по нив се одвива нормално по влажни коловози.
Сообраќајни проблеми нема ниту на локалните и регионалните патни правци, дури и кај повисоките рурални средини, информираат од Општина Кичево, од каде што додаваат дека будно ја следат сотојбата и дека се подготвени за дејствување и при пообилни врнежи од снег.