Фудбалерот на Јувентус, Мерих Демирал, успешно е опериран по повредата здобиена на средбата со Рома минатиот викенд, објавено е на официјалната веб-страница на италијанскиот шампион.
Турскиот репрезентативец ги скина вкрстените лигаменти на левото колено и го оштети менискусот.
Како што е објавено, за оптимално закрепнување ќе му бидат потребни шест до седум месеци.
Ова значи дека сезоната за Демирал е завршена. Покрај тоа, тој нема да има време да се опорави до Евро 2020, што ќе се одржи од 12 јуни до 12 јули.
Оваа сезона 21-годишниот дефанзивец одигра седум натпревари постигна еден гол и забележа една асистенција.