Обвинителството за борба протрив организиран криминал и корупција издало наредба да се приведе Зоран Теофиловски, член на Судскиот совет, но тој е недостапен за органите на прогонот, потврди за „А1он“, шефицата на обвинителството, Вилма Русковска.
Засега се приведени 5 лица, вработени во општината Тетово, а станува збор за незаконска легализација и за приватизација на атрактивно земјиште.
Предистражната постапка, во која биле опфатени десетина лица траела околу една година, а засега од нив се приведени петмина.
Теофиловски, по кој трага полицијата е зет на Александра Зафировска, поранешна претседателка на Судскиот совет чиј глас можеше да се слушне и во таканаречените „бомби“ како соработува со тогашната власт на ВМРО-ДПМНЕ околу изборот на судии.
Обвинителството најави дека во текот на денот ќе излезе со подетални информации за случајот со незаконската приватизација.