Ја разбирам потребата за дадената изјава на Регионалниот младински лидерски форум во Нови Сад да биде врамена во дневни партиско-политички пресметки, но трендовите во целиот регион и кај нас се неспорни, вели претседателот Пендаровски преку соопштение, во врска со изјавата дека и тој би се иселил од Македонија доколку не е претседател.
„Губиме висококвалификуван и млад кадар. Одговорноста е на сите политички водства, од независноста до денес. Вклучително и моја. Доколку немаат суштинска европска перспектива, поголеми плати и поквалитетен живот, младите ќе продолжат масовно да се иселуваат.“, смета Пендаровски.
Младите мора да имаат прва шанса да успеат дома, заклучи Пендаровски.