Македонското репрезентативно крило, Иван Тричковски, вчера го постигна својот шести гол на последните пет натпревари во кипарската лига.
Македонецот кој е капитен на АЕК Ларнака, беше стрелец на вториот од петте гола со кои АЕК ја совлада Ахна со 5:1.
Членови на Ахна се некогашните репрезентативци Мартин Богатинов, Јован Костовски и Бојан Маркоски.
АЕК Ларнака во моментов е на трето место на табелата со девет бода од пет меча. Ахна има седум бодови, но од четири кола.