Клаудио Маркизио изјави дека, Јувентус сонува да ја освои Лигата на шампионите, исто како што минатата сезона сонуваа за Скудетото.
Тие го елиминираа Селтик и се наоѓаат во четвртфиналето од најпрестижното европско натпреварување.
„Минатата година сонувавме за да го освоиме Скудетото, а оваа година наш сон е Лигата на шампионите“- изјави Маркизио. „Знаеме дека нема да биде лесно, но ќе дадеме се од себе да триумфираме во Серија А и Лигата на шампионите. Имаме одлична сезона до сега, иако некои луѓе не критикуваа, мислам дека одиме во одлична насока“ – додае тој.