Обвинителката Лиле Стефанова од СЈО, дојде на распит во Обвинителството за организиран криминал, но ги избегна новинарските екипи и камерите. Таа не влезе од службениот, а ниту низ влезот за странки кој е затворен.
Стефанова втор ден ги избегнува камерите. Таа на вчерашното судење за „Титаник” влезе исто така низ спореден влез во судот, а по завршувањето на рочиштето не даде изјава.
Распитот го води обвинителката Ивана Трајчева, која ја заменува Вилма Русковска додека е на одмор.
Според објавените снимки, Јанева додека Боки 13 разговара со бизнисменот Орце Камчев, вели дека ја има под контрола Стефанова која го води предметот „Империја“ каде обвинет е бизнисменот.
Стефанова по аудио снимката во писмена изјава рече дека Јанева носела одлуки за „Империја” без нејзино знаење, вклучувајќи го и враќањето на пасошот на Камчев. Таа во изјавата потенцираше и дека Јанева барала да се затвори предметот “Империја” со спогодба со осомничените.