Очекувам на овие локални избори голем победник да биде Демократската партија на албанците, рече поранешниот командант на ОВК, а сега лидер на Алијансата за иднината на Косово, Рамуш Харадинај кој денеска пристигна во Скопје, по покана од партијата на Мендух Тачи.
– Дојдов да и дадам поддршка на ДПА бидејќи таа на овие локални избори ги има најдобрите кандидати – нагласи Харадинај.
Харадинај ќе биде специјален гостин и на вечерашниот митинг на ДПА кој ќе се одржи во скопското село Кондово.