СДСМ откако дојде на власт ги лаже земјоделците. Со мерката зелена нафта само половина од земјоделците во Република Македонија можат да ја користат, велат од ВМРО-ДПМНЕ, како реакција на соопштението на СДСМ во врска со прес конференција на Цветан Трипуновски.
„Власта предвидува само 55.000 картички за зелена нафта, а во Македонија регистрирани се над 100.000 македонски земјоделци.
Со ова само се отвора сомнеж како ќе се делат картиците, и дали истиот избор ќе се врши по општинските на СДСМ.
Мерката е козметичка и популистичка бидејќи се работи за минимално намалување на трошоците на производство кои се движат од 1 до 3%.
Со ова само се докажува негрижата на СДСМ за земјоделците со што донесе повеќе штетни отколку корисни влијанија во земјоделието.“, се наведува во реакцијата на партијата.