Колку и да не му е драго на Андреј Жерновски, факт е дека општина Центар е општина која е пример на многу други во Република Македонија, реагираат од ВМРО-ДПМНЕ на денешната изјава на лидерот на ЛДП, Андреј Жерновски.
За успешноста на Општина Центар, велат, говорат делата кои се имаат реализрано само од локалната самоуправа во овие изминати четири години.
За граѓаните на центар се изградени катни гаражи и нови паркинзи со цел да се намали недостатокот на слободни паркинг места. Реконструирани и обновени се 15-тина улици. Изградени се нови пешачки патеки и тротоари. Изградени се нови детски и спортски игралишта. Поставена е урбана опрема и холтикултурно се уредени голем број простори. И уште многу други проекти кои се во директен интерес на граѓаните и одговор на нивните барања. Жерновски иако во политиката е веќе 15 години, нема ниту еден проект со кој придонел за својата општина, а уште помалку за Македонија, се вели во реакцијата.