Наместо ветените 500 евра плата од СДСМ, имаме 500 фамилии без плата. 500 вработени во АД Водостопанство веќе два месеци немаат земено плата и се без здравствено и пензиско осигурување. А, Николоски и Заев организираат скапи коктели и се луксузираат со народните пари, реагира ВМРО-ДПМНЕ на соопштението на СДСМ.
„Откако СДСМ е на власт за се ВМРО-ДПМНЕ е виновно, можеби и за денешниот пеколен ден е виновно ВМРО-ДПМНЕ.
Време е оваа ненародна власт, која ужива во раскош и луксуз додека земјоделците солзи ронат да си замине. Потребни се нови и применливи политики за унапредување на македонското земјоделство.“, се наведува во реакцијата на партијата.