Време е да заигра метлата која што ја најавуваше Зоран Заев, но прв што треба да биде изметен од Владата, е лично тој. Зоран Заев треба да си замине затоа што се што кажа излажа. Ниедно ветување кое што го даде на граѓаните не го исполни. Напротив се дрзна и го смени името на државата, реагира ВМРО-ДПМНЕ на реакцијата на соопштението на СДСМ кое се однесуваше на прес конференцијата на Димче Арсовски.
„Зоран Заев треба да си замине бидејќи е синоним за криминал и корупција. Зоран Заев е единствениот аболициран премиер за криминалии тешки милиони евра.
Зоран Заев треба да си замине бидејќи ја урна македонската економија. Ветуваше просечна плата од 500 евра а сега имаме 500.000 граѓани што живеат под прагот на сиромаштијата.
Ова се само дел од причините зошто Зоран Заев мора прв да си оди од Владата, а после него сите други. Зоран Заев додека е премиер на Република Македонија, државата ќе тоне. Што побргу тој си замине од владата, толку подобро за сите граѓани.“, се наведува во реакцијата на партијата.