Кирацовски: Синоќешните одлуки на ЦО на СДСМ се за заедничко добро

Од:

Поранешниот генерален секретар на СДСМ, Александар Кирацовски се огласи на својот Фејсбук профил по повод вчерашните внатрепартиски промени.

„Продолжуваме заедно напред! Независно кој на која позиција и во која улога ќе биде, продолжуваме заедно кон мисијата да обезбедиме подобар живот за сите граѓани!

Во тешки услови и преку долгогодишна борба за правда и демократија, како тим, заедно успеавме да го поразиме режимот, потоа заедно ги премостивме сите предизвици на патот Македонија да ја направиме Европска, а сега со обновени сили продолжуваме да ја градиме нашата држава.

На пресек од двегодишната власт успеавме да направиме многу и за државата и за партијата, но се разбира има уште многу пат за одење.

Синоќешните одлуки на ЦО на СДСМ се за заедничко добро и само во партија каде што има висока свест, демократска култура, другарство, визија, заемна доверба, во еден ден едногласно можат да се донесат крупни одлуки на кадровски промени.

Таква е мојата, нашата СДСМ!“, напиша Кирацовски.

За нов генерален секретар на СДСМ беше избран министерот за земјоделство, Љупчо Николовски. Тој доаѓа на местото на Кирацовски, кој беше на оваа партиска функција од јуни 2017 година.

На Централниот одбор по барање на претседателот на партијата Зоран Заев оставка си дадоа сите шест потпретсесдатели на партијата. Оставките на Оливер Спасовски, Фросина Ременски, Петре Шилегов, Дамјан Манчевски, Мухамед Зекири и Благој Бочварски следуваат по разрешувањето на сите претседатели на општинските организации на СДСМ кое се случи минатата недела.

Од СДСМ ќе биде распишан интерен конкурс за пополнување на функциите кои беа разрешени вчера и во текот на минатата недела.

Би можело да ве интересира

Шукова: Верувам дека културата не е трошок, туку инвестиција во иднината на еден град

Требаше да биде кандидат на СДСМ, а му се приклучи на тимот на Ѓорѓиевски во трката на Скопје

СДСМ бара Сиљановска да не го потпишува Указот за Законите за полиција и МВР

ВМРО-ДПМНЕ: За ситни политички поени, СДС ја стави Македонија во пламен

Горан Наумовски

(ВИДЕО) Трајчулески до Мицкоски: Зошто го отворате прашањето за македонскиот јазик, не враќате во времето на Груевски со истите мотиви?

(ВИДЕО) Стојчевски: Лефков е симбол на сѐ погрешно во ВМРО-ДПМНЕ, сее лаги, а молчи за Кочани

Горан Наумовски