Според потврдените информации, добиени од набљудувачите и регионалните канцеларии на МОСТ, забележани се две изолирани неправилности. На гласачко место 2248/1 во Штип, забележано е читање на глас на избирачите, а во Кратово пред ГМ 0934 забележано било присуство на неовластено лице. Била повикана полиција која го отстранила лицето од пред гласачкото место, соопштуваат од МОСТ.
Според податоците добиени од ПВТ програмата (паралелно сумирање на гласовите), која претставува математичко-статистички научен метод, одѕивот на гласачите до 11:00 часот е 11,2%, до 12:00 часот е 16,2%, додека до 13:00 часот е 21,3%, велат од МОСТ.