Вишиот управен суд се поднови со ново „пежо пјур“ 3008, објавен е склучениот договор со „Еуроимпекс ДОО увоз – извоз“ на Бирото за јавни набавки.
Вредноста на возилото е 1.994.200 денари или приближно 32 илјади евра. „Пежото“ е бензинец со 5 врати и 5 седишта и еуростандард 6,2. Во ентериерот има мултифункционален екран на допир, хромирани елементи на градните крила, алуминиумски тркала… На договорот е потпишана претседателката на судот Лидија Ивановска. За возилото предвидена е гаранција од две години, а обезбеден е и сервис и оригинални резервни делови.
Неодамна и Управниот суд купи возило во вредност од 27 илјади евра. Сите четири апелациски судови го подновија возниот парк. Според податоците на Бирото за јавни набавки, гостиварска Апелација се поднови купи возило кое чини приближно 28 илјади евра. И скопска, битолска и штипска Апелација се подновија со возила во вредност од по 27 илјади евра.
На списокот купувачи на нови автомобили се и основните судови во Велес и Штип, но тие се поскромни, па возилата што ги набавиле со во приближна вредност од по 13,5 илјади евра.
Васко Маглешов