ВМРО-ДПМНЕ потврди дека синоќа имало средба на која се разговарало за предлог-законот за јавнообвинителски систем, кој го вклучува и СЈО, по информациите дека синоќа се сретнале премиерот Зоран Заев, лидерот на опозицијата Христијан Мицкоски, министерката за правда Рената Тренеска Дескоска и адвокатот Тони Менкиноски, кој е дел од работната група во преговорите.
Портпаролот на ВМРО-ДПМНЕ, Наум Стоилковски изјави дека се договориле во иднина преговорите да не се водат преку медиумска битка и да се фокусираат на донесување на квалитетно законско решение. Тој одби да коментира повеќе детали за средбата во однос на тоа дали е постигнат некаков напредок.
Претходно и Министерството за правда информираше дека вчера била одржана средба на која се разгледувал последниот законски текст за Јавното обвинителство, јави Министерството за правда.Оттаму преку сооопшение не посочија кој присуствувал на средбата, но истакнаа дека двете страни се согласиле консултациите за законот да продолжат, бидејќи клучните разлики и понатаму се присутни.
Галена Николовска-Ризвановиќ