На денешниот протест во Босилово против отворањето на рудникот, Иловица-Штука, пред собраните се обрати поранешната претседателка на партијата ДОМ, Лилјана Поповска, која оцени дека инвестицијата е сомнителна и рече дека ѝ мириса на корупција.
„Секој нормален човек знае дека ваков рудник не се прави кај населено место. Од информациите со кои располагаме, многу нешта во врска со оваа инвестиција се сомнителни и мириса на корупција“, рече Поповска.
На протестот, собраните ја испратија пораката дека не сакаат отворање на рудникот и сакаат здрава котлина и здрав живот.
Ова е еден од низата протести во последниве две години на кои се бара да се спречи отворање на рудникот за бакар, и жителите порачуваат концесионерот „Еуромакс рисорсис“ да си замине од тука.
Ана Василевска