Во текот на изминатот ден на подрачјето на Скопје се случиле вкупно седум сообраќајни незгоди од кои две сообраќајни незгоди со телесни повреди и пет со материјална штета. Во сообраќајните незгоди две лица се здобиле со телесни повреди, соопшти полицијата.
Од преземените мерки и активности констатирано било дека 22 возачи управувале возила со брзина поголема од дозволената, додаваат од МВР и посочуваат дека од сообраќај се исклучени 18 возачи од кои: двајца возачи затоа што управувале возило под дејство на алкохол, 14 возачи управувале возила без да се стекнат со право за управување на моторно возило и двајца возачи затоа што биле возачи-почетници.
Исто така, исклучени од сообраќај се и 12 возила бидејќи биле нерегистрирани. Санкционирани се тројца возачи поради поминување на крстосница на црвено светло, двајца возачи поради недавање првенство на минување на пешаци, четворица поради неправилно престројување, осум поради непоседување пропишана зимска опрема, 11 поради неносење сигурносен појас за време на управување на моторно возило и 13 возачи поради користење на мобилен телефон при управување на возило, се наведува во соопштението на полицијата.
Во однос на пешаците санкционирани се 31 пешак поради поминување коловоз вон пешачки премин и осум пешаци поради поминување коловоз на црвено светло. Во текот на изминатите денови издадени се 134 мандатни платни налози и 86 возила се подигнати со специјално возило „пајак“.
