По информациите дека ќерката на пратеничката Емилија Александрова била вработена во Фондот за иновации и технолошки развој, оттаму тврдат дека таа не е вработена кај нив и по ниту еден основ не прима финансиски надомест за услуги.
Од ФИТР за „Макфакс“ потенцираат дека во моментот во редовен работен однос се осум лица, од кои тројца работат на неопределено време, а во тек е постапката за вработување пет лица во Фондот во согласност со годишниот план за вработување за оваа година.
„Макфакс“ побара одговори и од пратеничката Емилија Александрова. Таа не сакаше да ги коментира информациите за вработувањето на ќерка си и истакна дека е разочарана од начинот на кој медиумите ги третираат децата на јавните личности.
Кристијан Ландов