Времето утре во Македонија ќе биде променливо облачно со локални врнежи од дожд, а на планините со снег. Врнежите особено се очекуваат во попладневните часови и тоа во западните и во јужните делови од земјава. Ќе дува слаб до умерен ветер од јужен правец.
Утринската температура ќе се движи од минус три до четири, а дневната од три до 10 степени.
Во Скопје времето ќе биде променливо облачно со повремени локални врнежи од дожд, особено попладне. Ќе дува слаб до умерен ветер од северен правец. Утринската температура ќе се спушти до еден, а дневната ќе се искачи до седум степени.