Одделението за сузбивање на организиран криминал при црногорското државно обвинителство , подигна обвиненија против десет лица од Црна Гора, Македонија и Косово поради фалсификување на патни исправи, лични карти и возачки дозволи, недозволен премин на државната граница и криумчарење на луѓе.
Ранко Чарапиќ, врховниот државен обвинител, со официјалното соопштени е, посочува дека се обвинети следните лица: Жељко Крговиќ како организатор, а Фазли Колич, Алберт Дедвукај, Самир Кастрати и Ариф Колич како припадници на групата.
Обвиненија се покренати и против припадниците на групата Рахман Зверотиќ, Блерим Зекај, Генза Морин, Суад Нишиќ и Звездан Дракуловиќ.
Групата дејствувала на териториите на Црна Гора, Македонија, Косово и Албанија во периодот од 19 август 2011 година до 22 јануари 2012.
