По почетокот на седницата за уставните промени, пред Собранието на Република Македонија останаа едвај стотина граѓани кои протестираат против промена на името.
Помеѓу демонстрантите денеска не се појави лидерот на ВМРО-ДПМНЕ, Христијан Мицкоски и функционерите од партијата.
На говорницата пред Собранието се читаат имињата на пратениците кои гласаат за уставните промени. Граѓаните ги исвиркуваат пратениците велејќи дека се „предавници и тендераши“.
Пред македонскиот Парламент се спомнува името и на американскиот амбасадор, Џес Бејли. Демонстрантите и понатаму тврдат дека тој е главниот организатор на уставните промени со цел промена на уставното име на Република Македонија.
Од „Македонија блокира“ велат дека ништо не е готово. Побараа поддршка од претседателот Иванов, а исто така напоменаа дека ќе поднесат жалба до Уставниот суд на РМ.
Виктор Јованов