Жителите на Газа поделени околу прекинот на огнот

Од:

Многу жители на Газа ја дочекаа веста за прекинот на огнот меѓу Израел и Хамас со олеснување, но нивната надеж е ублажена и од сомнежи.

„Чувствувавме среќа, но болката и страдањето остануваат“, рече Ибрахим Шураб од Кан Јунис, кој сега живее во шаторски камп во Муваси, објави Скај њуз.

Невин Кудеех додаде дека тоа е првиот момент на вистинско олеснување откако започна војната.

„Сè уште сме на улица“, рече таа, чекајќи да се врати дома.

Во Деир ал-Балах, децата славеа, но многу возрасни чувствуваа горчина.

„Изгубивме најблиски, домови и цела генерација студенти. Не знаеме од каде да почнеме со обновата“, рече Мохамед ал-Фара.

Некои стравуваат дека прекинот на огнот нема да се одржи.

„Многу сме претпазливи, воздушните напади сè уште се случуваат“, рече Мохамед ал-Нашар од Газа.

И покрај сомнежите, многумина сè уште се надеваат на траен мир. Конфликтот, кој започна со напад на Хамас врз Израел на 7 октомври 2023 година, одзеде десетици илјади палестински животи, расели голем број луѓе и доведе делови од Газа во глад.

Би можело да ве интересира

Многу клучни прашања за кои сè уште ништо не е договорено во мировниот план за Газа

Израелски резервист е убиен во снајперски напад во Газа

САД испраќаат 200 војници во Израел за следење на мирот

Горан Наумовски

Израелската армија почна да се повлекува од Појасот Газа

Израелската влада го одобри мировниот договор за Газа

Бен Гвир: Ослободувањето на палестинските затвореници е неприфатлива цена за договор