Силен земјотрес со јачина од 6,4 степени според Рихтеровата скала ја погоди Гватемала и ги потресе другите земји од Централна Америка и делови од јужно Мексико.
Според извештаите, тоа не предизвикало материјална штета, пренесува Ројтерс.
Американскиот геолошки институт (USGS) соопшти дека земјотресот во средата бил на длабочина од 252 километри со епицентар на околу 2 километри југоисточно од општината Канила во Гватемала.
Агенцијата за природни катастрофи во Гватемала соопшти дека нема извештаи за штети, а службата за цивилна заштита на јужната мексиканска држава Чиапас, исто така, пријавила дека нема повредени или материјална штета.
Соседниот Ел Салвадор на Твитер објави дека нема опасност од цунами поради земјотресот.