Земјотрес со јачина од 5,3 степени според Рихтеровата скала денеска го погоди северниот регион на чилеанско Тарапако и се случи на длабочина од 118 километри, соопшти Европскиот медитерански сеизмолошки центар.
Националниот сеизмолошки центар на Чиле соопшти дека земјотресот бил со јачина од 5,4 степени според Рихтеровата скала и дека епицентарот бил на 37 километри североисточно од Калама, пренесе Ројтерс.
Хидрографската и океанографската служба на чилеанската морнарица соопшти дека нема услови за создавање цунами на чилеанскиот брег.