Украинскиот претседател Володимир Зеленски денес изјави дека Украина работи на тоа нејзините национални интереси да бидат земени предвид во планот за завршување на војната со Русија, поддржан од американскиот претседател Доналд Трамп.
„Сега, практично секој час, се одржуваат состаноци, телефонски повици и работа на прашања што можат многу да променат. Резултатот мора да биде достоинствен мир“, напиша Зеленски на својот канал Телеграм, пренесува Ројтерс.
Порталот Аксиос објави дека САД спроведуваат тајни консултации со Русија за да развијат мировен договор што се состои од 28 точки поделени во четири категории: мир, гаранции за Украина врз основа на моделот на Член 5 на НАТО, безбедност во Европа и идните односи на страните со САД, и ги објави сите 28 точки од мировниот план.