Украинскиот претседател Володимир Зеленски изјави дека неговата кратка средба со претседателот на САД, Доналд Трамп, што се одржа на маргините на погребот на папата Франциск во Ватикан пред една недела, била најдобрата досега меѓу нив.
Зеленски во коментарите објавени од неговата претседателска администрација рече дека тој и Трамп се согласиле оти 30-дневниот прекин на огнот меѓу Киев и Москва е вистински прв чекор кон мир во војната во Украина, објави Ројтерс.
Украинскиот претседател додаде дека го покренал прашањето за санкциите за време на состанокот и дека одговорот на Трамп на ова прашање бил „многу силен“.