Зеленски: Русија краде кинеска технологија за смртоносни дронови

Од:

Украинскиот претседател Володимир Зеленски изјави дека кинеските граѓани работат во фабрика за производство на беспилотни летала во Русија, користејќи кинеска технологија што Пекинг можеби официјално не ја одобрил.

Зеленски им рече на новинарите дека им наредил на официјалните лица да испратат информации до кинеската влада, преку официјални канали, за украинските наоди, објави Ројтерс.

„Одделно побарав од Службата за безбедност на Украина да пренесе информации од поширок карактер на кинеската страна во врска со кинеските граѓани кои работат во фабриката за дронови“, рече тој.

Зеленски рече дека Украина верува дека е можно „Русија да крадела, дека склучила договор со овие граѓани надвор од договорот со кинеското раководство и дека ги украла овие технологии“.

Зеленски претходно овој месец рече дека Русија регрутира кинески граѓани преку социјалните мрежи за да се борат во нејзините вооружени сили и дека официјалните лица во Пекинг биле свесни за тоа.

Тој потоа додаде дека Киев се обидува да процени дали регрутите добиваат инструкции од Пекинг.

Би можело да ве интересира

Русија не сака да се шири нуклеарната закана

Данска ги забрани сите цивилни летови со дронови

(ВИДЕО) Голема закана: Повторно дронови над воените бази во Данска

Кошмарно утро во Киев: Русија изврши еден од најголемите напади врз главниот град на Украина

По 10 години, ОН повторно воведе сеопфатни санкции врз Иран

Трамп вели дека Русија убива луѓе без причина